Պատումների (նարատիվների) վերլուծության և հիբրիդային սպառնալիքների թեմայով գործնական դասընթաց

Հարգելի գործընկերներ,

Հրավիրում ենք Արևելյան գործընկերության Քաղաքացիական հասարակության ֆորումի Հայաստանի ազգային պլատֆորմի անդամ կազմակերպությունների ներկայացուցիչներին մասնակցելու պատումների (նարատիվների) վերլուծության և հիբրիդային սպառնալիքների թեմայով գործնական դասընթացին։

Սույն միջոցառման նպատակն է զարգացնել պլատֆորմի անդամ կազմակերպությունների կարողությունները՝ դիմակայելու հիբրիդային սպառնալիքներին, մասնավորապես՝ ապատեղեկատվական և մանիպուլյացիոն արշավներին, որոնք նպատակ ունեն թուլացնել ժողովրդավարական ինստիտուտները և քայքայել հանրային համերաշխությունը։

Մասնակիցները կսովորեն՝

• բացահայտել լրատվական դաշտում շրջանառվող հիմնական պատումները,
• վերլուծել մանիպուլյատիվ հաղորդագրությունների կառուցվածքը, նպատակը և տեխնիկաները,
• քարտեզագրել աղբյուրները, տարածման ալիքներն ու թիրախային լսարանները,
• գնահատել ազդեցությունը հանրային ընկալումների և ժողովրդավարական գործընթացների վրա,
• զարգացնել արդյունավետ հակազդման ռազմավարություններ մանիպուլյատիվ պատումների և ապատեղեկատվական արշավների դեմ։

Դիմելու վերջնաժամկետը՝ 2025 թ. նոյեմբերի 10։

Ձեր մասնակցոթյունը խնդրում ենք հաստատել պատասխան նամակով՝  eapcsfarmenia@gmail.com  էլ.հասցեին:

Կազմակերպչական տեղեկատվություն

• Երբ և որտեղ՝ 2025 թ. նոյեմբերի 17, Երևան։
• Լեզու՝ հայերեն (օրինակները կարող են լինել հայերեն, ռուսերեն կամ անգլերեն)։
• Օրակարգը՝ կուղարկվի մասնակցության հաստատումից հետո։
• Վայրը՝ ճշգրիտ հասցեն կհաղորդվի գրանցված մասնակիցներին։

Հարցերի դեպքում կարող եք դիմել՝
eapcsfarmenia@gmail.com

Նախաձեռնությունն իրականացվում է Գերմանիայի Դաշնային Հանրապետության Արտաքին գործերի նախարարության տրամադրած դրամաշնորհի շրջանակում։