ՀԱՊ անդամներն այցելեցին Արցախից բռնի տեղահանվածներին

[vc_row][vc_column][vc_column_text]08 հոկտեմբերի 2023թ․, Երեւան
Ս.թ.-ի հոկտեմբերի 6-ին ԱլԳ ՀԱՊ 5-րդ ԱԽ-ի ներկայացուցիչները այցելեցին Գեղարքունիքի Լճաշեն բնակավայր՝ «Տարածքային զարգացման և հետազոտությունների կենտրոն» ՀԿ-ի «Էթիունի» սոցիալական ձեռնարկության հյուրատանը հյուրընկալված Արցախից բռնագաղթվածներին, նրանց հանձնելով տաք հագուստ, հիգիենիկ պարագաներ, պամպերսներ և մանկական կեր, որոնք հավաքագրել էին ՀԱՊ անդամների շրջանում: Այցը նախաձեռնած, ԱլԳ ՀԱՊ 5-րդ աշխատանքային խմբի համակարգող, «Շողեր միություն» սոցիալ-կրթական ՀԿ նախագահ Հասմիկ Ասլանյանի խոսքերով ՀԿ-ի ղեկավար Սաթիկ Բադեյանը անգնահատելի աշխատանք է տանում փախստականների համար։ Տարածքային զարգացման և հետազոտությունների կենտրոնը օրական 3 անգամ կերակրում է մինչև 23 բռնագաղթված արցախցիների:
Այցելության ժամանակ «Էթիունի» հյուրատանն էին գտնվում նաեւ Կարմիր Խաչի կամավորները՝ նշելու համար տարեցների օրը: Այդ կապակցությամբ արցախցիները և կամավորները համատեղ ուժերով պատրասեցին փախլավա, գաթա և ժենգյալով հաց, որին միացավ նաև ՀԱՊ պատվիրակության ներկայացուցիչներից Աուդիո-վիզուալ լրագրողների ասոցիացիայի նախագահ Արզուման Հարությունյանը:
Սաթիկ Բադեյանի ուղեկցությամբ ՀԱՊ պատվիրակությունը այցելեց նաև Սևանի «Նիրվանա» հանգստի գոտու տնակներում տեղավորված 30 և թերակղզու «Արարատ» հանգստի գոտու տնակներում տեղավորված 31 Արցախից բռնի տեղահանվածներին: Նրանց տրամադրվեց տաք հագուստներ:
Ընդհանուր առմամբ աջակցություն ցուցաբերվեց ավելի քան 90 արցախցիների:
Նախապես կատարված էր առաջնային կարիքների գնահատում: Աջակցությունը տրամադրված էր «Շողեր միություն» ՀԿ-ի, «Համալսարանական կրթությամբ կանանց ասոցիացիայի», «Աուդիո-վիզուալ լրագրողների ասոցիացիայի», «Գլոբալիզացիայի եւ տարածաշրջանային համագործակցության վերլուծական կենտրոն» ՀԿ-ի, «Ազատ քաղաքացի» ՔՆԱԿ ՀԿ-ի, ՀԱՊ այլ անդամների և մի քանի անհատ քաղաքացիների կողմից:
Բոլոր բռնի տեղահանվածների ցանկությունն էր գտնել հիմնական կամ վարձով բնակության վայր, աշխատանք, սոցիալական աջակցություն և ինտեգրվել տեղացի հայրենակիցներին:
Արցախից բռնի տեղահանվածներին աջակցություն կազմակերպելու հարցը քննարկվել է ս․թ․ սեպտեմբերի 29-ին հրավիրված ՀԱՊ համաժողովի ժամանակ։ Համաժողովի որոշմամբ փախստականների կարիքները հոգալուն ուղղված նվիրատվություններ հավաքագրելու նպատակով ՀԱՊ Քարտուղարությունը բացել է հետեւյալ հաշիվը․հ/հ՝ 2050422405931003, Ինեկոբանկ, շահառուի տողում անհրաժեշտ է նշել “ԱլԳ ՔՀՖ Հայաստանի ազգային պլատֆորմի քարտուղարություն” ՀԿ։

ԱլԳ ՔՀՖ ՀԱՊ Քարտուղարություն

[/vc_column_text][/vc_column][/vc_row][vc_row][vc_column][vc_gallery type=”image_grid” images=”10901,10900,10899,10898,10897,10896,10895″][/vc_column][/vc_row]