ԱլԳ ՔՀՖ Հայաստանի ազգային պլատֆորմի համաժողովը /Պատվիրակների ժողովը չընդունեց 14 կազմակերպությունների՝ ՀԱՊ համակարգողին անվստահություն հայտնելու եւ լիազորութւյունները դադարեցնելու պահանջը նույն օրը քննարկելու եւ քվեարկելու

Մայիսի 25, 2023, ք. Երեւան

Տեղի ունեցած ԱլԳ ՔՀՖ ՀԱՊ համաժողովին մասնակցում էին 29 ՀԱՊ անդամ, որոնցից 24 ՔՀՖ պատվիրակ: Եւս 12 պատվիրակ, ըստ ՀԱՊ-ում ընունված պրակտիկայի, իրենց ձայները փոխանցել էին համաժողովի մասնակիցներին: Համաժողովը նախագահում էր ՀԱՊ ազգային համակարգող Հովսեփ Խուրշուդյանը:

Նախագահողը առաջարկեց քննարկել եւ հաստատել Համաժողովի՝ 5 օր առաջ տարածված եւ որեւէ առարկություն չստացած օրակարգը: Ձայն խնդրեց Աշոտ Մելիքյանը եւ առաջարկեց որպես առաջնային հարց քննարկել Հովսեփ Խուրշուդյանի՝ ՀԱՊ համակարգողի պաշտոնին համապատասխանելու հարցը, որը արտացոլված է 14 հոգու ստորագրած դիմում-պահանջագրում: Նա խնդրեց թույլ տալ Սարգիս Հարությունյանին ընթերցել պահանջագիրը, ով էլ հնարավորություն ստացավ դա անել:

Նախագահողը առաջարկեց նախ հաստատել օրակարգը, ապա այլ հարցերի թվում հաստատել նաեւ դիմում-պահանջագրին անդրադառնալու ձեւաչափի քննարկման հարցը, հասկանալու համար դա քննարկվելու է անմիջապես, թե ձեւավորվելու է հանձնաժողով, որը կքննարկի դիմումում նշված մեղադրանքները եւ ՀԱՊ համակարգողի՝ դրանց վերաբերյալ արվելիք պարզաբանումները:

Քվեարկության դրված Համաժողովի օրակարգի՝ որպես հիմք ընդունելու առաջարկը ստացավ 18 կողմ ձայներ, 16 դեմ եւ երկու ձեռնպահ: Օրակարգը չհաստատվեց:

Ապա քվեարակության դրվեց 14 կազմակերպությունների դիմում-պահանջագիրը՝ 2023 թվականի մայիսի 25-ի ժողովում առաջնահերթության կարգով քննարկման առարկա դարձնել Հովսեփ Խուրշուդյանի՝ ՀԱՊ համակարգողի պաշտոնին համապատասխանելու հարցը, որը հավաքեց 17 կողմ, 16 դեմ եւ 3 ձեռնպահ: Արդյունքում՝ օրակարգում 14 կազմակերպությունների դիմում-պահանջագրի բովանդակային քննարկման դնելու առաջարկը եւս չհաստատվեց:

Հաջորդը քվեարկության դրվեց դիմում-պահանջագրում նշված մեղադրանքներն ու դրանց վերաբերող պարզաբանումները քննելու հանձնաժողով ստեղծելու հարցը օրակարգ մտցնելու մասին առաջարկը: Կողմ՝ 7, դեմ՝ 12, ձեռնպահ՝ 15 ձայներով այս առաջարկը եւս չընդունվեց:

Այնուհետեւ քվեարկության դրվեց հունիսի 9-ին նոր համաժողով հրավիրելու առաջարկը, որում որպես առաջնահերթ հարց կքննարկվի 14 կազմակերպությունների դիմում-պահանջագիրը: Քվեարկության արդյունքում առաջարկը ստացավ 28 կողմ, 1 դեմ եւ 7 ձեռնպահ ձայներ:

ՀԱՊ համակարգողը պարտավորվեց մինչեւ հաջորդ համաժողովը ՀԱՊ անդամներին ներկայացնել պարզաբանումներ դիմում-պահանջագրում նշված մեղադրանքների վերաբերյալ:

Դրանով համաժողովը ավարտեց իր աշխատանքները:

ԱլԳ ՔՀՖ ՀԱՊ Քարտուղարություն