2022 թվականի ապրիլի 4-ին տեղի ունեցավ ՀԸԳՀ-ով (CEPA) նախատեսված Քաղաքացիական հասարակության պլատֆորմի (այսուհետ՝ ՀԸԳՀ ՔՀՊ) Հայաստանից ընտրված անդամների անդրանիկ առցանց հանդիպումը։ Հանդիպման նպատակն էր պաշտոնապես տալ Պլատֆորմի աշխատանքների մեկնարկը, քննարկել առաջիկա անելիքները և սահմանել Պլատֆորմի՝ մոտ ապագայի հիմնական առաջնահերթությունները։ Պլատֆորմի անդամները մտքեր փոխանակեցին ներքին և արտաքին հաղորդակցության վերաբերյալ և համաձայնեցին Հայաստանի կառավարության և ԵՄ կառույցների հետ ակտիվ երկխոսության գնալու անհրաժեշտության շուրջ։ Ընդգծվեց նաև քաղաքացիական հասարակության լայն շրջանակների հետ համագործակցության կարևորությունը։
Հանդիպմանը միացավ նաև Հայաստանում Եվրոպական միության պատվիրակության ղեկավար, դեսպան Անդրեա Վիկտորինը` մասնակիցներին իր ողջույնի խոսքը փոխանցելու համար: Դեսպանը վերահաստատեց ԵՄ հանձնառությունը՝ աջակցելու Հայաստանին ՀԸԳՀ-ի շրջանակներում և դրանից դուրս ձեռնարկված բարեփոխումների ջանքերում: Նա նաև ընդգծեց քաղաքացիական հասարակության՝ մարդու իրավունքների պաշտպանության և ապատեղեկատվության դեմ պայքարի ոլորտների բարդ թեմաների շուրջ միասնական ձայնով խոսելու, ինչպես նաև դաշտի այլ դերակատարների հետ կառուցողական համագործակցության անհրաժեշտությունը:
«Իրավունքի Եվրոպա միավորում» ՀԿ նախագահ Լուսինե Հակոբյանն ընտրվեց ՀԸԳՀ ՔՀՊ համակարգող:
Սույն թվականի ապրիլի 15-ին Երևան քաղաքում՝ Հոլիդեյ Ինն Էքսպրես հյուրանոցում, տեղի ունեցավ ԵՄ Արևելյան գործընկերության…
Մարտի 28, 2024 թ․, Երեւան Արեւելյան գործընկերության քաղաքացիական հասարակության ֆորումի Հայաստանի ազգային պլատֆորմը եւ ԵՄ-Հայաստան…
Մարտի 28, 2024 թ., Երեւան - Ողջունելով ս.թ. մարտի 13-ին Եվրախորհրդարանի՝ 504 կողմ ձայներով ընդունած…
ՀՀ վարչապետին, կառավարությանը, ԱԺ-ին, ԱլԳ ՔՀՖ-ին, ՄԱԿ-ի անվտանգության խորհրդի մշտական անդամ հինգ երկրներին, ՀՀ-ում գործող…