Տեղի ունեցավ «Արևելյան գործընկերության Քաղաքացիական հասարակության ֆորումի Հայաստանի ազգային պլատֆորմի քարտուղարություն» հասարակական կազմակերպության ընդհանուր ժողովը

[vc_row][vc_column][vc_column_text]

Հոկտեմբերի 16, 2023, ք. Երևան

«Արևելյան գործընկերության Քաղաքացիական հասարակության ֆորումի Հայաստանի ազգային պլատֆորմի քարտուղարություն» հասարակական կազմակերպության հերթական ընդհանուր ժողովը տեղի ունեցավ «Իրազեկ քաղաքացիների միավորում» ՀԿ-ի գրասենյակում։ Ժողովին անձամբ կամ պատվիրակված ձայնով մասնակցում էին 12 անդամներից 9-ը:

ՀԿ-ի Խորհրդի նախկին նախագահ Հովսեփ Խուրշուդյանը ներկայացրեց «ԱլԳ ՔՀՖ ՀԱՊ Քարտուղարություն» ՀԿ գործունեությունը իր՝ որպես Քարտուղարության խորհրդի նախագահ պաշտոնավարման շրջանում, խնդիրները, կանոնադրական փոփոխությունները,  կազմակերպության կողմից իրականացված միջոցառումները, ինչպես նաև կարևորեց ՀԿ-ի կողմից իրականացվող միջոցառումների տեսանելության բարձրացումը սոցիալական ցանցերում, ինչպես նաև նոյեմբերի 9-10 Բրյուսելում ՀԱՊ-ի և Եվրոպայի հայերի Միության կողմից կազմակերպվելիք Հայաստան-Եվրոպա համաժողովի մասին տեղեկություններ։

Ապա ՀԱՊ Քարտուղարություն ՀԿ-ի գործունեության՝ իր պաշտոնավարման ժամանակաշրջանին վերաբերող  հաշվետվությունը ներկայացրեց ՀԿ-ի գործող նախագահ Աշխեն Մուշեղյանը։ Ընդհանուր առմամբ հաշվետվությունը վերաբերում էր ՀԿ-ի հիմնադրումից՝ 2022թ․ հունիսից մինչեւ 2023թ. հոկտեմբեր ընկած ժամանակահատվածին։ «ԱլԳ ՔՀՖ ՀԱՊ Քարտուղարություն» ՀԿ-ի Խորհրդի նկարագրական հաշվետվությունը ընդունվեց միաձայն:

Աշխեն Մուշեղյանը ներկայացրեց նաեւ «ԱլԳ ՔՀՖ ՀԱՊ Քարտուղարություն» ՀԿ-ի ֆինանսական հաշվետվությունը և որոշվեց այն ուղարկել ՀԿ-ի վերստուգող մարմին՝ եզրակացության համար:

 Ժողովի մասնակիցները քննարկեցին Արցախից բռնի տեղահանվածներին աջակցություն ցուցաբերելու վերաբերյալ «ԱլԳ ՔՀՖ ՀԱՊ Քարտուղարություն» ՀԿ-ի կողմից իրականացվող աջակցության ծրագրերը: Քարտուղարության ծրագրերի համակարգողը ներկայացրեց հատուկ այդ նպատակով Քարտուղարության բացած հաշվեհամարի վրա գումարների հավաքագրման ընթացքը։

ԱլԳ ՔՀՖ ՀԱՊ Քարտուղարություն

[/vc_column_text][/vc_column][/vc_row]