ՔՀՖ ենթադրամաշնորհներ
ԱլԳ ՔՀՖ-ն ենթադրամաշնորհային ծրագրերի միջոցով աջակցում է ԱլԳ եւ ԵՄ երկրների ՔՀԿ-ների այն նախագծերին, որոնք ունեն տարածաշրջանային ընդգրկում, նպաստում են ԱլԳ քաղաքականության գերակայությունների մշակմանը և լավագույն փորձի փոխանակմանը: ՔՀՖ ենթադրամաշնորհային ծրագրով Հայաստանի ազգային պլատֆորմի անդամ ՔՀԿ-ների իրականացրած ծրագրերին կարող եք ծանոթանալ այստեղ։
Միջմշակութային համագործակցության խթանման ՀԿ-ն (Ուկրաինա) և նրա գործընկերները Հայաստանից, Ադրբեջանից և Մոլդովայից աշխատել են Արևելյան գործընկերության իրենց համապատասխան երկրների քաղաքացիական հասարակության ռազմավարական հաղորդակցության բազմակարծության ուղղությամբ:
Առաջատար կազմակերպություն` «Միջմշակութային համագործակցության խթանում» ՀԿ, (Ուկրաինա)
Գործընկեր կազմակերպություններ`
- Տարածաշրջանային հետազոտությունների կենտրոն (ՏՀԿ) հիմնադրամ (Հայաստան)
- Տնտեսական և սոցիալական զարգացման կենտրոն (Ադրբեջան)
- Արտաքին քաղաքականության ասոցիացիա (Մոլդովա)
Կանանց հեռանկարային կենտրոնը (Ուկրաինա) և ԱլԳ հինգ այլ գործընկերներ միասին սույն ծրագրի միջոցով աջակցում են Արևելյան գործընկերության տարածաշրջանում կանանց պաշտպանության համար Ստամբուլյան կոնվենցիայի շուտափույթ վավերացմանը:
Առաջատար կազմակերպություն՝ Կանանց հեռանկարային կենտրոն (Ուկրաինա)
Գործընկեր կազմակերպություններ՝ Կանանց ռեսուրսային կենտրոն (Հայաստան), Կանանց քաղաքական ռեսուրսների կենտրոն (Վրաստան), Ժողովրդական կրթության կազմակերպում ABF (Բելառուս), Գագաուզիայի բազմազավակ ընտանիքների մայրեր և կին ձեռնարկատերեր, «Վեստա» (Մոլդովա), Կանանց ռացիոնալ զարգացման ասոցիացիա (Ադրբեջան):
Առաջատար կազմակերպություն` «WINNET Armenia» կանանց ռեսուրս կենտրոնների ցանց, որը պաշտոնապես ներկայացնում է Կանանց զարգացման «Ռեսուրսների կենտրոն» հիմնադրամը (Հայաստան): Այս ծրագիրը նպատակ ունի խթանել LEADER մոտեցման իրականացումը Արևելյան գործընկերության (ԱլԳ) երկրներում`շահագրգիռ գործընկերների համագործակցության բաց աշխատանքային պլատֆորմի ստեղծման միջոցով:
Գործընկեր կազմակերպություններ`
- Ազգային LEADER ցանց Մոլդովայի Հանրապետությունում (Մոլդովա)
- «Accion Contra el Hambre» (Գործողություն ընդդեմ սովի) հիմնադրամ (Վրաստան):
Գետերի պահապանների միջազգային ասոցիացիան ECO-TIRAS (Մոլդովա) և ԱլԳ այլ երկրների նրանց ծրագրի գործընկերները նպատակ ունեն ապահովելու էներգիայի, ջրի և սննդի կայուն հավասարակշռություն: Հետևաբար, սույն ծրագրով նախատեսվում է խթանել վերականգնվող էներգիան և էկոհամակարգի մոտեցումը դարձնել հիդրոէներգետիկայի զարգացման ցանկացած ոլորտային գործունեության պարտադիր բաղադրիչ:
Առաջատար կազմակերպություն՝ Գետերի պահապանների միջազգային ասոցիացիա ECO-TIRAS (Մոլդովա)
Գործընկեր կազմակերպություններ՝ Ուկրաինայի ազգային էկոլոգիական կենտրոն (Ուկրաինա), «ԽԱԶԵՐ» էկոլոգամշակութային ՀԿ (Հայաստան), Ադրբեջանի թռչնաբանական ընկերություն (Ադրբեջան), «Էկոսֆերա ՀԿ (Ուկրաինա):
Մոլդովայի առաջընթացի հիմնադրամի, Հայ առաջադեմ երիտասարդություն ՀԿ-ի (Հայաստան) և Ուկրաինայի Երիտասարդական կազմակերպության (STAN) համատեղ ծրագիրը միտված է Եվրամիության մասին առասպելների, միֆերի վերացմանը՝ ԱլԳ-ԵՄ հարաբերությունների մասին քաղաքացիներին ճշմարիտ տեղեկատվության տրամադրման միջոցով։ Ծրագրի նպատակն է՝ նորարարական մոտեցումների՝ խաղերի միջոցով պայքարել ԵՄ-ԱլԳ և ԵՄ-Մոլդովա հարաբերությունների վերաբերյալ ապատեղեկատվության և միֆերի դեմ:
Առաջատար կազմակերպություն՝ Մոլդովայի առաջընթացի հիմնադրամ (Մոլդովա)
Գործընկեր կազմակերպություններ՝ Հայ առաջադեմ երիտասարդություն ՀԿ (Հայաստան), Երիտասարդական կազմակերպություն-STAN (Ուկրաինա):
Վրաստանի նորարարական զարգացման եվրոպական ուսումնասիրությունների ասոցիացիան (ESIDG) և Նորարարության զարգացման քաղաքացիական միության կենտրոնը (CU CID Ուկրաինա) իրականացրել են մանրակրկիտ վերլուծություն բոլոր վեց երկրների հետազոտական համակարգերի զարգացման ներկա վիճակի, միտումների և պրակտիկայի վերաբերյալ:
Առաջատար կազմակերպություն՝ Վրաստանի նորարարական զարգացման եվրոպական ուսումնասիրությունների ասոցիացիա ESIDG (Վրաստան)
Գործընկեր կազմակերպություններ՝
Նորարարության զարգացման քաղաքացիական միության կենտրոն (CU CID) (Ուկրաինա), Գիտելիքի կենտրոն (Knowledge Hub) (Մոլդովա), Սպառողների խորհրդատվական կենտրոն ՀԿ (Հայաստան):